БУДЫНАК КІНАТЭАТРА «ПЕРАМОГА»
Назад
БУДЫНАК КІНАТЭАТРА «ПЕРАМОГА»

ГІСТАРЫЧНАЯ ЗАБУДОВА  ХХ СТАГОДДЗЯ

БУДЫНАК КІНАТЭАТРА «ПЕРАМОГА»

HISTORICAL BUILDINGS OF THE 20TH CENTURY PIERAMOHA CINEMA

 

Графічная рэканструкцыя  фасада будынка кінатэатра “Перамога”  паводле праекта Г. Бакланава.1945-1948 гадоў

Graphical reconstruction of the Pieramoha Cinema façade after the project by H. Baklanaŭ. 1945-1948

     

У 1920-я гады было прынята рашэнне аб будаўніцтве ў Мінску клуба харчавікоў на рагу вуліц Інтэрнацыянальнай і Камсамольскай на месцы будынка былога кляштара бенедыкцінак XVII стагоддзя.

Праект новага клуба быў распрацаваны вядомым архітэктарам Андрэем Буравым.

Андрэй Канстанцінавіч Бураў (2.10.1900- 7.05 1957)  савецкі архітэктар, аўтар праекта будынка “Клуб харчавікоў” у Мінску.

 

Падчас будаўніцтва частка муроў і падвальныя памяшканні былога кляштара XVII стагоддзя, перакрытыя скляпеннямі, былі захаваны.

Праабражэнская вуліца (сучасная Інтэрнацыянальная). На здымку бачна званіца Праабражэнскага манастыра (былы кляштар бенедыкцінак). На гэтым мейсцы ў 1929 годзе будзе пабудаваны Клуб харчавікоў. Насупраць Дом №9, былы гатэль “Мачыз”, на рагу ( у правым куце здымка) – дом №18 (адна з крамаў “Канстанцінопальская” купца Офлі).

 

Клуб харчавікоў у Мінску. Даваеннае фота.

 

Новы будынак клуба харчавікоў (пазней клуб імя Сталіна) быў пабудаваны ў 1929 годзе ў стылі канструктывізму і меў складаную аб’ёмна-прасторавую кампазіцыю з глыбокім курданёрам.

Клуб харчавікоў. Рэканструкцыя Ю.Жуцяева і І. Палонскага

 

Перад галоўным уваходам знаходзіўся невялікі ўнутраны двор, аформлены дэкаратыўнымі раслінамі.  У цэнтры двара на невысокім квадратным пастаменце быў усталяваны помнік Леніну скульптара Аляксандра Грубэ.

Збоку вуліцы Інтэрнацыянальнай была зроблена мураваная агароджа з жалезнымі кратамі. На плоскім даху бакавых рызалітаў месцілася летняя адкрытая кавярня.

       

Скульптар А.В. Грубэ ( 1894-1980)

        

У памяшканнях клуба праводзіліся розныя культурныя і спартыўныя мерапрыемствы. У 1931 годзе тут адбылася Першая канферэнцыя прафсаюзаў БССР, у 1932 годзе — міжнародныя спаборніцтвы паміж беларускімі і англійскімі баксёрамі. У 1935 годзе тут праходзіла першая Усебеларуская выстава цацак. У канцэртнай зале выступалі вядомыя творчыя калектывы і выканаўцы, у тым ліку Клаўдзія Шульжэнка, джаз-аркестры Леаніда Утёсава, Эдзі Рознера, Якава Скамароўскага і іншыя.

Будынак клуба быў моцна пашкоджаны ў 1944 годзе.

 

Фота 1944 г.

Пасляваенны здымак будынка Клуба харчавікоў.

 

У 1945—1948 гадах у інстытуце ”Белдзяржпраект” быў распрацаваны праект аднаўлення і рэканструкцыі будынка былога клуба пад кінатэатр “Перамога”. Аўтары праекта — архітэктары Іосіф Лангбард і Міхаіл Бакланаў.

М.І.Бакланаў(1914 1980) архітэктар

І.Р.Лангбард (1882-1951) архітэктар.

 

Праект фасада кінатэатра “Перамога”. 1945-1948 гады.

 

Фота другая палова ХХ ст.

1950-я

 

Сучаснае фота пасля рэстаўрацыі.

 

Былі захаваны асноўныя канструктыўныя элементы былога клуба, а кампазіцыя галоўнага фасада, які выходзіў на вуліцу Інтэрнацыянальную, была вырашана ў формах так званага сацыялістычнага класіцызму, характэрнага для пасляваеннай забудовы Мінска.